中國文化點睇創意？
中國儒家思想不嬲都鼓勵人學效古人多過自己創新。睇「修身、齊家、治國、平天下」呢個先後次序，你就知創意唔知要排到第幾。到滿清年代考試仲係考緊「扑扑齋」詩詞歌賦之類既野。設計創意不嬲都俾古人睇為一D功利同手作野，無社會地位不特止，佢係咪帶比你名成利就呢D野更加係儒家不屑一談既話題，反而做死一世窮畫家窮書生，人地先會話你有風骨，讚你「不為五斗米折腰」（不過我地香港既設計人就肯為兩斗米折腰）...或者可以咁講，係中國人眼中反而欣賞你識抄：呢，學書法都係從「臨摹」開始架嘛！唔係中國畫點解畫左幾千年都係山水花鳥同松竹梅？
「創意」唔多唔少都係響西方高舉個人主義既文化推波助瀾先至得以發揚光大，我地中國人反而比較輕視個人，樣樣野話要以大局為重丫嘛！你講個人、講獨特，聽入儒家既耳裡面反而有種negative connotation, sounds like自私，聽入馬列主義者既耳裡面就好似反動，再加埋十年既文化大革命洗禮，乜鬼野有文化有創意既野都洗到乾乾淨淨！
香港雖然政治上同大陸有好多唔同，但係文化傳統價值呢D野就一脈相承，唔係咁易改到。
posted by ablogaday @ 2/28/2006 01:30:00 am
0 Comments:
Post a Comment
<< Home